nusco-luporusso
Dalle tradizioni popolari
Tuppi tuppi a la fundana
unu ammassa e n'atu shcana
unu prega a sandu Vitu
chi li manna lu marito
lu marito 'ngoppa castiellu
ca guardava l'auciellu
l'auciellu frishcu frishcu
ca guardava san Frangiscu
san Frangiscu chjnu r'oru
ca guardava lu Salvatoru
lu Salvatoru 'ndunucchiatu
ca guardava l’Annunziata
l’Annunziata facci tonna
ca guardava la Maronna
la Maronna tuneva nu mandu
c'ammucciava tutti quandi
ammucciava quera vecchia
ch’era 'ngoppa a quera cerza
e la cerza si ni carivu
e la vecchia si ni ivu
si ni ivu a bonuviendu
s'accattavu nu bellu iengu
lu iengu azavu la cora
e la vecchia s' ammarola
Ronna Paulina
Ti ru ducietti, ronna Paulina,
nun ti piglià a Frangiscu ch'è pastoru;
Frangiscu si ni vaci a la mundagna,
e tu, ronna Paulina, riesti sola.
Quannu po' venu a lu sapat'a sera
si mettu cu li pieri a lu ciupponu.
"Vieniti a curcà piezzu r'animalu
ti r'aggi postu ru ghiangu lunzola".
"Miglieru mia, nu ru pozzu fanu:
aggi rumastu ru pecoru solu".
"Maritu miu ti puozzi arrurupanu
'nnandi ch'arrivi a lu iazzu musera!"
Rormu lu canu e dormu lu patronu,
rormu la picurella ind'a la reta.
Rormu l'auciddruzzu a lu sipalu
nun scunzucatu ra lu cacciatoru.
Rormu Frangiscu ch'è rimastu sulu
senza miglieru e senza ru lunzola;
rormu Frangiscu ch'è rumastu sulu
senza Fulippu e senza lu panaru.
Filastrocca
Cingu e cinquanda
tuttu lu munnu canda,
canta lu gaddru
rusponnu la gadrrina,
comma Tirisina
s'affaccia a la funesta
cu tre culuri 'ndesta,
Rosa e Maria
si menanu miezzu a la via ,
aspettanu a tatillu
cu mettu manu a lu vursillu.
Aria ri metu
Statti cittu serpa niurina
si vengu lò ti cacciu ru stundina.
statti cittu crapa saluvaggia
mammata t'hè crusciuta indu Foggia.
quannu nascietti i' murivu mamma
nascietti svinduratu e senza menna.
Embè tengu sembu lu viziu ri tannu
andò veru pietti tunni cercu menna.....
Lu funeralu ri la jummenda
N'ommunu ri Chiusanu tuneva na jummenda, ma questa pigliavu na malatia e murivu. Mò stu cristianu li vuleva fà lu funeralu e ghivu ando' lu prèutu. Quistu scungiuravu e dissu ca nun si puteva fà.
Ma ss'ornmunu ngi lu vuleva fà a forza lu funeralu a la jummenda e ghivu ando' lu prèutu ri Parulìsi e quistu li rissu: - Comu, nun si po' fà? Eccomu ca si po' fà! Basta chi mi rai vindi tortani e trenda turnisi. -
E stu prèutu quannu ivu a lu funeralu, mentri chi faceva la binirizionu, rissu:
E li prièuti ri Chiusanu
songu ciucci e sò animali,
quiri ri Parulìsi
si fotttunu tortani e turnisi:
tortani vindi e turnisi trenda
cu rufrishcà l'anuma ri la jummenda.
Bella figliola
Ngoppacastiellu ‘na figliulella
tenu dui uocchi com’a ‘na stella;
è tandu bella e pari ‘nu fioru
sta figliulella faci l’amoru.
Sta figliulella ri ngoppacastiellu
ngopp’a ru quindu faceva l’amoru;
tenu dui uocchi com’a ‘na stella;
è tandu bella e pari ‘nu fioru.
ra quannu vai figliola a la scola
nun sai né cosu e né ricamà;
nun sai né cosu e né ricamà;
e mammata ti volu spusà.
Bella figliola ca cierni farina
cu ssu culillu nun cutulià;
e cu lu frusciu ri ru minnellu
lu faritiellu lu fai abbula’.
bella figliola ca vai a la messa
quannu tu passi mi fai girà;
e si bella com’a ‘nu fioru
puru lu preutu fai ngandà.
Ninna nanna
Ohi nonna nonna nonnarella
lu lupu s'hé mangiatu la picurella
si l'hé mangiata id'a lu vallonu
chiangi la picurella la patronu.
Ohi suonnu vieni e nun tardanu
quistu piccirillu volu ripusanu.
Volu ind'a na connula r'oru
andò ri rupusava lu Signoru.
Ohi suonnu suonnu vieni e pigliatillu
rimani a l'alba chiara portammillu.
Riportammillu propriu comu era
si no chiangi la mamma quannu venu.
Ohi suonnu suonnu la vecchia si sonna
coci li maccaruni e nun mi chiama.
Mi chiama sulu quannu coci fogliu
e i' so piccirillu e nun ni vogli.
Cu s’acqua chi ti lavi
Bella figliola chi ti chiami Lina,
e sembu Lina tu fatti chiamanu.
Cu’ s’acqua chi ti lavi a la matina,
ti preu lina mia nu la iuttanu.
Andó la ietti ngi nasci na spina,
cu na rusella mbonda pu adduranu.
Li mierici ni fannu miricina,
la rannu a li malati pu ru sananu.
Bella figliola chi ti chiami Rosa,
e sembu rosa ti vogli chiamanu.
Cu’ s’acqua chi ti lavi a la matina,
ti preu Rosa mia nu la iuttanu.
L‘uva nunn’è matura
Senza chi bai e bieni
ca l'uva nunn'è matura
figliama è criatura,
e nun si pòtu mmarutà.
Senza ca passi e spassi,
cu ssa catena r'argiendu
'nnammurati ni tengu ciendi,
e di te che n'aggia fa'.
Senza ca passi e spassi
cu ssa catena r'oru
'nnammurati ni tengu novu,
e di te che n'aggia fa'.
Senza ca passi e spassi
pu ssu rilorgiu a latu
i’ lu tengu lu 'nnammuratu,
e di te che n'aggia fa'.
lu tengu n'urganettu
chi sona com’a na banda
ti n'aggia fa rà tanda
chi t'aggia fa scumbarì.
Sott'à a la tua funesta
nu corpu ri pistola
si venu n'at’amandu
nui facimu a chi moru moru.
Marunnella mia bella
Marunnella mia bella
prufumata ri li gigli,
ra lu cielu binirici
tutti quanta quisti figli.
Comu l'acqua frescha e chiara
ri na limpida cascata,
comu a na janca palomma
Tu si pura e immacolata.
Ave, o Mamma ri Gesù,
roci Vergine e Maria;
pucchè cresci su biancoru
ji t'affidu l'anuma e lu coru.
Faci murì l'amandi
Quand'è bella la patrona mia,
quannu si mettu la gunnella nova!
Cu la gunnella nova vaci a messa
faci murì l'amandi mpassu mpassu.
Tutti pazzi a Nusco (pazzi sta per matti-estrosi)
Trascrizione da racconti popolari:
Aniello Russo (in bagnolese)
Adattamento nuscano: Pietro Russo
Sapevo che noi nuscani siamo stati definiti “pignatari....mbastacreta” ma questa dei pazzi non la conoscevo.
Rici ca lu Pataternu ha datu nu fessa pu casa e nu pacciu pu paesu.Ma nisciuni sapu pucché a Nuscu ri pacci ngi ni stannu chiù di l’ati paisi.
Quannu lu Pataternu finivu ri crià lu munnu si vulivu arrupusà. Ma la matina ri la rumenuca, quannu si ruscitavu, guardannusi attuornu s’accurgivu ca s’era scurdatu ri li pacci. Allora cu tuttu ca era rumenuca, fuccavu li pacci ind’a nu saccu e a l’apperu s’abbiavu pu lu munnu.
A ogni partu lassava nu pacciu, unu a Avellinu, un a Mundumaranu, unu a Mundella, unu a Cassanu.....s’era fattu miezzijuornu e lu saccu era angora miezzu chjnu, quannu arruvavu sotta Nuscu. Pigliavu la sagliuta iàppuca iappuca e tannu era arruvatu a Porta Mulinu quannu ndruppucavu e sbattivu facci nderra.
Lu saccu li carivu ra manu, s’aprivu e scappavunu tutti li pacci pu ru biu ri lu paesu.
Lu Pataternu s’azavu e cu la sanda pacienzia ru buleva accogli. La culurozza li faceva malu....a nu certu pundu si sfastiriavu, chiavavu nu cavuciu a lu saccu e dissu:
-Mbé e mó chi tenu forza ri v’accogli a unu a unu? Qua siti e qua rumaniti tutti!-
